19. Tanlov quyidagi asosiy nominatsiyalar bo`yicha o`tkaziladi:
«Eng yaxshi teledastur» 1 ta o`rin;
«Eng yaxshi radiodastur» 1 ta o`rin;
«Eng yaxshi informatsion dastur» 2 ta o`rin (bitta radio, bitta televidenie);
«Yil dasturi yoritilgan eng yaxshi tele-, radiomahsulot» 2 ta o`rin (bitta radio, bitta televidenie);
«Eng yaxshi milliy serial stsenariysi» 2 ta o`rin (bitta radio, bitta televidenie);
«Eng yaxshi tele-, radiorolik» 2 ta o`rin (bitta radio, bitta televidenie).
O`zbekiston milliy teleradiokompaniyasi har yili ko`rik-tanlov o`tkazish bo`yicha qabul qiladigan buyrug'i bilan qo`shimcha ravishda yangi nominatsiyalar kiritishi mumkin.
20. Har bir nominatsiya bo`yicha bittadan g'oliblik va bittadan rag'batlantiruvchi o`rinlar belgilanadi.
21. «MTRK SOVRINI» uchun an’anaviy ko`rik-tanloviga taqdim etilgan ijodiy ishlar quyidagi mezonlarga asosan baholanadi:
«Eng yaxshi teledastur», «Eng yaxshi radiodastur», «Eng yaxshi tele-, radiorolik» nominatsiyalari bo`yicha ijodiy ishlar — aholining talim va madaniy saviyasini oshirish, milliy an’analarni, tarixiy va manaviy merosni saqlab qolish, fuqarolarning ongida demokratik qadriyatlarni shakllantirish, yoshlar va o`sib kelayotgan avlodni vatanparvarlik, Vatanga muhabbat va umuminsoniy qadriyatlarni hurmat qilish ruhida tarbiyalashga yo`naltirilgan bo`lishi;
«Eng yaxshi informatsion dastur» — O`zbekistonning siyosiy, iqtisodiy, ijtimoiy va madaniy hayotida ro`y berayotgan, huquqiy demokratik davlat va ochiq fuqarolik jamiyatini shakllantirish, inson huquqlari va erkinliklarini himoya qilishga qaratilgan demokratik o`zgarishlar hamda yurtimizda olib borilayotgan islohotlardan mamlakat aholisi, shuningdek chet el jamoatchiligini har tomonlama xolis xabardor qilib borishga yo`naltirilgan bo`lishi;
«Yil dasturi yoritilgan eng yaxshi tele-, radiomahsulot» — yurtimizda olib borilayotgan oqilona siyosatni izchil davom ettirish, uning samaradorligi va tasirini oshirish, jamiyatimizda insonparvarlik, mehr-oqibat va saxovat muhitini yanada mustahkamlash maqsadida har yili O`zbekiston Respublikasi Prezidentining Qarori bilan qabul qilinadigan Davlat dasturining maqsad va vazifalarini keng qamrovli tushuntirishga, dasturni amalga oshirish borasidagi chora-tadbirlarning mazmun-mohiyatini jamoatchilikka yetkazishga, respublika va mahalliy boshqaruv organlari, jamoat hamda nohukumat tuzilmalarining dasturda belgilangan vazifalar ijrosini taminlash maqsadida amalga oshirgan ishlarini yoritib berishga qaratilgan bo`lishi;
«Eng yaxshi milliy serial stsenariysi» — milliy an’analarni, tarixiy va manaviy merosni saqlab qolish, fuqarolarning ongida demokratik qadriyatlarni shakllantirish, yoshlar va o`sib kelayotgan avlodni vatanparvarlik, Vatanga muhabbat va umuminsoniy qadriyatlarni hurmat qilish ruhida tarbiyalashga yo`naltirilgan bo`lishi talab etiladi.
