mamlakatni demokratik yangilash, inson xuquqlari va erkinliklarini himoya qilish, ijtimoiy-siyosiy va sosial-iqtisodiy islohotlarni amalga oshirish jarayonlarida yoshlarning ishtirokini keng yoritish; umuminsoniy qadriyatlarni targ’ib qilish, yigit va qizlarni xalqimizning tarixiy an’analari, ma’naviy qadriyatlari, milliy madaniyatimiz va jahon sivilizasiyasining ilg’or yutuqlari asosida ma’naviy-axloqiy jihatdan etuk, ma’rifatli, bilimli hamda vatanparvarlik ruxida tarbiyalash, mamlakatimiz zamonaviy yoshlarining ichki ma’naviy dunyosini namoyon etishga yo’naltirilgan teleko’rsatuv va radioeshittirishlar tayyorlash;

O’zbekiston yoshlarining “Kamolot” ijtimoiy harakati va boshqa tashkilotlar bilan hamkorlikda yosh avlodning faol hayotiy pozisiyasini shakllantirishga qaratilgan respublika va xalqaro miqyosidagi turli tele-, radiofestivallarni tashkil qilish.

O’zbekiston MTRKning asosiy vazifalarini, shuningdek teleradiokanallar o’rtasida tele-, radiomahsulot sifatini, badiiy va professional saviyasini oshirishga, aholining xilma-xil va ishonchli axborotga bo’lgan extiyojini qondirishga qaratilgan dasturlar va ijodiy g’oyalarning sog’lom raqobatini rivojlantirish zaruratini hisobga olgan holda, ushbu bandda ko’rsatilgan ustuvor yo’nalishlarini muttasil chuqurlashtirib, kengaytirib va yangilab borish O’zbekiston MTRKning eng muhim vazifasi deb belgilansin.