Jizzax viloyat radiosi 1974 yil sentyabrda ilk marotaba efirga chiqdi.

Har kuni soat 16.00 dan 17.00 gacha ultraqisqi to’lqin (keyinchalik o’rta to’lqin)da 5 til, ya'ni o’zbek, rus, qrim-tatar, qozoq va tojik tillarida eshittirishlar olib borildi.

1996 yil 8 avgust kuni viloyat televideniesi ilk bora o’z ko’rsatuvlarini namoyish eta boshlagan. Dastlabki ko’rsatuvlar hajmi haftasiga 1 soatni tashkil etgan, ularni tayyorlashda Yaponiyaning "SONY" firmasida ishlab chiqarilgan televideo apparaturalardan foydalanilgan.

Televidenie ko’rsatuvlari 2000 yilgacha faqat Samarqand RTPS orqali uzatilgani uchun ham uni Jizzax viloyatida to’liq, Sirdaryo, Samarqand, Navoiy va Toshkent viloyatlari qisman, qo’shni Qozog’iston hamda Tojikistonning chegara shududlari aholisi tomosha qilishgan va hozirda ham shunday. 2000 yilda alohida releyka uskunasi keltirilgani esa ko’rsatuvlarning uzatilishi bilan bog’liq qiyinchiliklarga barham berdi.

Shu bilan bir qatorda reklama - tijorat bo’limi faoliyati ham yo’lga qo’yildi. 2005 yildan boshlab efir vaqti byudjetdan tashqari mablag’lar hisobidan yana 1,5 soatga uzaytirilib 7,5 soatga keltirildi.

2003 yil oktyabr oyida teleradiokompaniyasi qoshida bir kunda 9 soat (shundan 8 soati o’z hisobidan) hajmda eshittirishlar beriladigan "Sangzor" radiosi ishga tushdi. Bu viloyatlardagi teleradiokompaniyalar orasida birinchi bo’lib tashkil etilgan, FM kanalida uzatiladigan ilk radio bo’ldi.

2004 yilda Jizzax viloyati hokimligi ko’magi bilan viloyatda birinchi bo’lib "Sangzor" ovoz yozish studiyasi tashkil qilindi. Ovoz yozish studiyasi Yaponiyaning YAMANA firmasida ishlab chiqarilgan

zamonaviy talablar darajasida tez va yuqori sifatda yozilishiga erishildi.

Viloyat televideniesida bugungi kunda 4 ta-axborot, siyosiy-huquqiy, ijtimoiy-iqtisodiy, ma'naviy- ma'rifiy bo’lim, reklama tijorat guruxi mavjud bo’lib, 30 nafardan ortiq mutaxassislar faoliyat ko’rsatadilar.