Buxoro viloyat Davlat arxivida saklanayotgan malumotlarga kura, Buxoroda dastlabki radioeshittirishlar o’tgan asrning 20 yillaridan boshlangan.

Buxoro Okrugi Ijroiya Qo’mitasi Ishchi Prezidiumining 1927 yil 23-oktyabrdagi 2-majlis bayoniga muvofiq radiopriyomniklar o’rnatish to’g’risida qaror qabo’l qilingan.

Arxiv materiallariga qaraganda, Buxoro okrugini radiolashtirish borasidagi 1930 yil 23-yanvardagi maxsus bayonnomaga muvofik Yangi Buxoro, Gijduvon tumani, Boxovuddin qishloklari namunali xudud sifatida kabul qilingan va mazkur qishloklarga kamida 200 ta radionuqta o’rnatilishi lozimligi xususida qaror qabul qilingan.

1928-1933 yillarda esa besh yillik radiolashtirish rejasiga ko’ra viloyat xududida 11995 ta radionuqta tashkil etilishi belgilangan.

XX asrning 30-yillarida Buxoro radiosining asoschilaridan biri, bir vaktning o’zida muxarrir, muxbir va diktor sifatida ishlagan Saidjon Karimov soxa rivojida juda katta ulush qo’shgan.

Shuningdek, 1940-1950 yillarda Xabib Abdullaev, Aleksandr Shneyderman kabi fidoiy insonlar Buxoro radiosi uchun jonbozlik kursatdilar.

Buxoro viloyati axolisi ko’p millatli bo’lganligi bois radioeshittirishlar dastlabki yillardanoq ikki tilda (uzbek va rus) olib borilgan.

1981-1994 yillarda esa Buxoro viloyat radioeshittirishlari uzbek, rus, tojik va qozok tillarida efirga berilgan.

Buxoro viloyat radiokomitetiga:

-1967 yilgacha Nurmuxamedov;

-1967-77 yillarda M.Bozorova;

-1977-1981 yillarda I.Jumaev;

-1981-1995 yillarda A. Shukurov;

-1995-1998 yillarda N.Bakoevna;

-1998-2001 yillarda M.Bo’ronov;

- 2001-2007 yillarda F.Aminov raxbardik qilishgan.

- 2007 yil sentyabrdan Buxoro viloyat teleradiokompaniyasiga A.Beshimov raxbarlik qilib kelmokda.

Buxorolik ijodkorlar tomonidan dastlabki teleko’rsatuvlarni tayyorlashga dastlabki xarakatlar 1993 yil sentyabr oyida boshlangan. Ilk ko’rsatuvlar esa 1994 yil 13 martdan efirga uzatilgan.

Bugungi kunda Buxoro viloyat teleradiokompaniyasi radioeshittirishlar xar kuni 1 soat 30 dakika xajmda FM-102 kanali orkali uzbek, tojik va rus tillarida efirga berilmoqda.

“Buxoro” telekanali ko’rsatuvlari xar kuni soat 7.00 dan 24.00 ga qadar Buxoro viloyati xududi xamda Navoiy, Kashqadaryo viloyatlari va Turkmaniston Respublikasining qushni tumanlarigacha uzatiladi.

Ayni paytda Buxoro viloyat teleradiokompaniyasida 68 nafar xodim faoliyat ko’rsatmoqda. Ularning 35 nafari ijodiy xodimlardir.

Telekursatuv va eshittirishlar asosan viloyat xamda respublika ijtimoiy-siyosiy, manaviy xayotiga oid yangiliklar, musiqiy-badiiy, publitsistik, manaviy-marifiy mavzudagi dasturlardan iborat.

O’zbekiston Respublikasi Vazirlar Maxkamasining “O’zbekiston milliy teleradiokompaniyasi tizimini texnika bilan kompleks qayta jixozlash tugrisida” gi 1997 yil 25 avgustdagi 412-son qaroriga muvofiq O”zbekiston milliy teleradiokompaniyasi zamonaviy televizion-texnik vositalarni Buxoro viloyati uchun olish buyicha 2006 yilda “Simens AG” firmasi bilan tuzgan shartnoma asosida investitsion dasturga kiritilgan texnika vositalarini Buxoro viloyat teleradiokompaniyasiga olib kelish ishlari yakunlandi.

Ayni paytda Buxoro viloyat teleradiokompaniyasi binosini mukammal tamirlash ishlari izchillik bilan davom ettirilmoqda.