Televizion dasturlarni ayirboshlash bo`yicha seminar

Damashq (Suriya) shahrida Osiyo-Tinch okeani teleradioeshittirishni rivojlantirish instituti (AIBD) tomonidan tashkil etilgan televizion dasturlarni ayirboshlash bo`yicha regional seminar o`z ishini boshladi.

Mazkur seminar Osiyo-Tinch okeani regionidagi teleradiomuassasalar o`rtasida o`zaro teledastur va filmlar ayriboshlashni rivojlantirish hamda shu turdagi mahsulotni ishlab chiqarish va marketingi sohasidagi ilg'or jahon tajribasini ommalashtirishga yordam berishi ko`zda tutilgan. Seminarda AIBD azolari bo`lgan dunyoning yetakchi telekompaniya va firmalari vakillari ishtirok etadilar.

Seminar ishtirokchilari o`z televizion dasturlarini tanishtirish va   o`zaro ayirboshlash uchun taqdim etadilar. Seminar shartlariga ko`ra ushbu tadbirda sport, sog'liqni saqlash, madaniyat mavzulari bo`yicha hamda bolalar uchun tayyorlangan dasturlarning ishtirok etishi rejalashtirilgan.

Seminar ishida O`zbekiston milliy teleradiokompaniyasining vakili ishtirok etmoqda. Mazkur tadbir doirasida O`zbekiston milliy teleradiokompaniyasi mahsuloti bo`lgan hozirgi O`zbekiston hayotining turli sohalari aks ettirilgan televizion dastur va filmlar namoyish etiladi.

AIBD teleradioeshittirish sohasi bo`yicha davlatlararo ixtisoslashgan institut hisoblanadi. Bu uyushmaga jahonning 26 davlatidan 94 teleradioeshittirish tashkilotlari azo. 2009 yildan etiboran O`zbekiston milliy teleradiokompaniyasi ham AIBD ning hamkor tashkilot sifatidagi azolari safidan o`rin olgan.