Sirdaryo viloyat teleradiokompaniyasi: sarhisob va rejalar

O`tgan 2009 yil Sirdaryo viloyat teleradiokompaniyasi uchun ham ancha muvaffaqiyatli kechdi. Avvalo, kompaniyaning moddiy-texnik bazasi mustahkamlandi. Ijodiy va texnik xodimlarning ishlashlari uchun bir qator qulayliklar yaratildi. O`zbekiston milliy teleradiokompaniyasi tashabbusi va ko`magi bilan to`rt qavatli binoning tashqi va ichki qismlari zamonaviy qiyofada tamirlanib, xodimlarga munosib mehnat sharoitlari tug'dirildi.

Viloyat teleradiokompaniyasining ichki imkoniyatlaridan kelib chiqqan holda ikkita zamonaviy studiya tashkil etildi. Ularda turli adabiy-badiiy ko`rsatuvlar, ochiq muloqotlar, tok-shoular tayyorlanmoqda. Studiyalardan biri milliy ananalar, urf-odatlar, qadriyatlar haqidagi dasturlar tayyorlash uchun mo`ljallanganligi bois, uning ichi o`ziga xos tarzda bezatildi. Milliy matolar, narsa-buyumlar, osori-atiqalar bilan boyitildi. Ikkinchisida esa tok-shoular, yangi tashkil qilingan “Muloqot vaqti”, “Ochiq minbar” ko`rsatuvlari yozib olinyapti. Bezak va dizayn uslubi ana shunga mos qilib yaratilgan.

Ijodiy va texnik xodimlar malakasini oshirish maqsadida, “Toshkent” teleradio¬kanali bilan doimiy hamkorlikda ish olib borilmoqda. Bu boradagi loyihalar doirasida ko`pgina yosh texnik xodimlar mazkur teleradiokanalda o`z bilim va mahoratlarini oshirib qaytdilar. Ular tomonidan aksariyat ko`rsatuvlarni, ayniqsa “Fursat” axborot dasturini sifat jihatdan ancha mukammal qilib tayyorlash izchil yo`lga qo`yildi. Bu dasturlarning g'oyaviy-badiiy saviyasi bir qadar o`sdi. Yosh istedodli xodimlarning 5 nafari Toshkent axborot texnologiyalari universitetida yangidan tashkil etilgan Televidenie texnologiyalari fakulteti hamda Respublika Televidenie va radio kasb-hunar kollejiga o`qishga  yuborilgan.

Teleradiokompaniyada “Ustoz-shogird” ananasi yaxshi yo`lga qo`yilgan. Yosh xodimlar jamoaning tajribali jurnalistlaridan ibrat olib, bilmaganlarini ulardan so`rab, o`rganmoqdalar. 

«Qishloq taraqqiyoti va farovonligi yili» Davlat dasturining ijrosini taminlash bo`yicha viloyatda olib borilgan keng ko`lamli ishlar yuzasidan “Obod  manzillar”, “Qadriyatlar beshigisan, mahallam”, “Qishloqdagi shinam uy”, “Mahallam — faxrim”, “Qishloqning bir kuni”, “Qishloqdagi tengdoshim” kabi ko`rsatuvlar tayyorlanib, muntazam ravishda efirga uzatildi. Shuningdek, “Sirdaryo viloyat teleradiokompaniyasi namoyish etadi” rukni ostida viloyatda amalga oshirilgan islohotlar bo`yicha bir necha nomdagi teleradiodasturlar tayyorlanib, tomoshabinlarga taqdim etildi. “O`zbekiston” teleradiokanalining “Hududlar hayoti” ko`rsatuvi orqali ham viloyatning turli tumanlaridan tayyorlangan o`nlab lavha va reportajlar respublikamiz miqyosida ko`rsatildi.

«Barkamol avlod yili» munosabati bilan kompaniya ijodiy jamoasi bir qator yangi loyihalar ustida ishlayapti. “Kelajak egalari”, “Qishloqdagi tengdoshim”, “Barkamol avlod — yurt kelajagi”, “Sog'lom avlod — sog'¬lom  kelajak”, “Istiqbolli  yoshlar — millat  ko`zgusi” singari ko`rsatuvlar shular jumlasidandir.

Ayni paytda ko`rsatuv va eshittirishlar sifatini yanada yaxshilash ustida samarali ish olib borilmoqda. Xususan, ularni bevosita kompaniya binosidan efirga  uzatish mo`ljallanmoqda. Buning uchun bir kilometr masofaga shisha tolali kabel   o`rnatilyapti.

Joriy yilda Sirdaryo viloyat teleradiokompaniyasining katta studiyasida tamirlash ishlarini bitkazish rejalashtirilgan. Ushbu studiya eng zamonaviy texnika va uskunalar bilan jihozlanadi. Ayni chog'dagi barcha etibor va harakat mana shu ishlarni tezlashtirishga qaratilgan.

Bu esa yaratilayotgan televizion va radio dasturlarning texnik sifatini oshirishda muhim omil bo`lib xizmat qiladi.